Texniki innovasiyalar
Şirkətimizin əməkdaşları tərəfindən InterBase7.1 əsasında daşınan və eləcə də daşınmaz əmlakın xarakterik xüsusiyyətlərinin toplanmasına və saxlanmasına imkan verən proqram təcrübədə istifadə olunmağa başlanmışdır. Bu proqram vasitəsilə qiymətləndirilən mülkiyyəti xarakterizə edən parametrlər toplusunun axtarışını təmin etmək mümkündür. Bununla yanaşı, qeyd etmək lazımdır ki, axtarışda iştirak edən parametrlərin sayı 1-lə 20 arasında dəyişə bilər. Ötən il yaradılan sözügedən məlumat bazası əmlakın satışı ilə bağlı müntəzəm dərc olunan və internetdə yayımlanan məlumatlarla gündəlik olaraq zənginləşdirilir. Axtarış Sisteminin (AS) tətbiq edilməsinin imtiyazlarının üstünlüyü fərdi axtarışla müqayisədə açıq şəkildə görünür. AS-dən istifadə etməklə, məlumatlar bazasında yerləşdirilən xüsusiyyətləri ən qısa vaxt ərzində aşkar etmək mümkündür.
Bundan əlavə, AS aşağıda sadalanan imkanları da yaradır:
- Daşınmaz əmlak bazarını xarakterizə edən əsas göstəriciləri (43 sayda) axtarıb tapır.
- Daşınmaz əmlak bazarının Diskret Məkan-Parametr Modelini (DMPM) hesablamağa imkan verir.
Bu Axtarış Sistemi yaradılarkən, Q.V. Plexanov adına Rusiya İqtisad Universitetinin “Layihələrin və proqramların idarə edilməsi” kafedrasının professoru Gennadiy Moiseyeviç Sternikin dəyərli tövsiyyələrindən və məsləhətlərindən istifadə olunmuşdur.
Tərəfimizdən həmçinin Delphi-7-dən istifadə olunmaqla yazılmış proqram da işlənib hazırlanmış və istifadəyə verilmişdir. Sözügedən proqram məhsulu (PM) vasitəsilə, biz seçilmiş analoqların həm ayrıca parametrlərə görə, həm də ümumi şəkildə bir-birinə nə qədər yaxın olub-olmadığını müəyyən edə bilirik. Müxtəlifliklərdən irəli gələn faiz dərəcələri ilə bağlı düzəlişlər aparmaqla, bu PM vasitəsilə çox qısa vaxt ərzində ortaya çıxan variantları müəyyən edirik və beləliklə də, təklif edilən mülkiyyəti (əmlakın) qiymətləndirməyə yardım edən analoqları seçə bilirik.
Obyektin kadastr koordinatları verildikdə, şirkətimizin əməkdaşları Google Earth proqramının imkanlarından istifadə etməklə, sözügedən obyektin yerləşdiyi yeri və sahəsinin ölçüsünü müəyyən edirlər.
